المقابلة كاملة على إذاعة صوت لبنان
نوفمبر ۱۲، ۲۰۲۳
شاهدوا مقابلتي الكاملة مع جوزفين أبي غصن من إذاعة صوت لبنان، أتحدث فيها عن رحلتي للإجابة على هذا السؤال الكبير ولماذا صنعت فيلمي كفى! أحلك ساعات لبنان.
اشتركوا بالقناة وشاركوا الفيديو واضغطوا على زر الإعجاب واتركوا تعليق.
النص العربي:
Josephine
(00:31) من لبنان روعة سجن إلى كفى أحلك ساعات لبنان، فيلميين وثائقيين للمخرجة السينمائية الأسترالية اللبنانية دايزي جدعون، ما بدللو إلا على تعلقا بلبنان وحزنا على يلي عم بصير وعم بمر في لبنان مع إنا غادرت لبنان مع أهلا إلى أستراليا يوم كان عمرا ٥ سنين. دايزي جدعون راح تخبرنا اليوم عن سر تعلقا بوطنا الأم وإزا مشروعا الجديد العودة للاستقرار في. ومن كندا وعبر تطبيق zoom راح تكون معنا رئيسة الجمعية اللبنانية الكندية نيكول عبد المسيح لتخبرنا عن كيفية مشاركتن بشهر التراث اللبناني في كندا.
(01:16) المشاهدين والمستمعين فيكن تابعونا بالصوت والصورة عبر vdl.me والapplication، ومواقعنا على التواصل الاجتماعي voice of Lebanon 100.5. الإعلامية دايزي جدعون، المخرجة السينمائية الأسترالية اللبنانية، برحب فيكي معنا اليوم، نحنا من زمان حابين نلتقيك وتخبرينا عن نشاطاتك وعن حبك للبنان. غادرت لبنان كان عمرك ٥ سنين، بتحكي اللغة العربية…
Daizy
(01:48) شوي
Josephine
…خبرينا كيف اتأقلمتي؟ وليه غادرتوا لبنان؟ ليه قرروا أهلك يفللوا ويختاروا أستراليا؟
Daizy
(02:01)أنا محبتي للبنان بلشت وقت رجعت علبنان بالعشرينات، قبلا ما كنت عارفة لبنان، بس جيت وقت الحرب وeven تحت الحرب وكل شي عم بصير بلبنان شفت شي ما كنت عارفة فيا لأن الأخبار والmedia برا، even لهلأ بفرجوا وجع لبنان ما كاملة. So وقت لي جيت بالحرب شفت وضع كتير صعب، يعني تحت القصف وكل شي، بالتمانينات، بآخر التمانينات، بس انغرمت بلبنان، انغرمت لأن شفت إشيا مش متخيلة شوفا بلبنان لأن كتير فرق عن لي فهمتا وعرفتا.
(02:52) أهلي خبروني عن لبنان، أهلي عطيوني قصص حياتن، بس ما كنت عم حسّون وإفهمن بطريقة لأن عم شوف عالتلفزيون وعم بقرا بالجرايد…
Josephine
غير صورة…
Daizy
غير صورة، ما اقتنعت تا جيت. وهالغرام هي تحت أضرب إيام، أصعب إيام بلبنان. عشت حياة ما كنت عارفة راح عيشا، وهي بالحرب يعني الشعب اللبناني…أنا والله حدن سألني بهالفترة، من جمعة شو حسيتي؟ قلت وحياة ربنا، وقت وصلت عتراب لبنان وبلشت إتعرف وإسمع الشعب وحس مع الشعب، حسيت أنا ببلدي، أنا وصلت.
(03:48) الشي لي كان ناقص فيي، ما كنت عارف في شي ناقص بس حاسة شي، فهمتا. وهيدا بلش الغرام للبنان وبلشت فوت بقصة لبنان وبدي أعرف ليش لبنان بالتمانينات، ليش في حرب، وليش الشرق الأوسط مخرّب، بدي إفهم أكتر عن هالقضية، بعدنا فيها هلأ، يعني بتزعّل، بعد كل هالفترة بعدنا محلنا واقتصاد لبنان أضرب…
Josephine
(04:20)اقدرتي تفهمي؟ كان بدك تفهمي، اقدرتي تفهمي؟
Daizy
أول فيلم مع عمر شريف بالتسعينات خلاني…
Josephine
عم نحكي عن…
Daizy
enough
Josephine
أول فيلم هو لبنان روعة سجن.
Daizy
مزبوط.
Josephine
ايه.
Daizy
(04:37)هيدا أول فيلم كنت عم بفهم لبنان، عم فرجي صورة كاملة للعالم، المغتربين وللأجانب. ما غطيت عن الحرب، ما غطيت عن الإشيا لي منا منيحة، بس عطيت صورة كاملة و…
Josephine
إيجابية positive عن لبنان، جمال لبنان…
Daizy
في كتير إشيا بتجنن، التاريخ، الشعب، الحياة، the social life, the community…
Josephine
الحياة الاجتماعية…
Daizy
هيدي it’s amazing بي لبنان، وكل الناس بيعرفوا إنو برات لبنان…
Josephine
ما بتعيشيها؟
Daizy
ما فيكي يعني ما بعرف فسرلكن إياها، أنا برمت وعشت بأميركا وإنجلترا وعشت بأستراليا وبرمت العالم كتير بشغلي، هي natural بي لبنان…
Josephine
(05:33)طبيعية، حياة طبيعية.
Daizy
طبيعية مزبوط. بس طريقة حياة…
Josephine
يعني بتخلقي وإنتي عايشتيها.
Daizy
yes وit’s ما بعرف…
Josephine
شو العلاقات بين الناس؟ يعني هي لي لفتتك؟ شو لي لفتك؟
Daizy
طريقة الحديث، الكلام بين الشعب، العاطفة، الأشخاص، الاحترام والمحبة والworry، بيعتلوا هم بعضن…
Josephine
بيعتلوا هم بعضن.
Daizy
(06:06)بيعتلوا هم بعضن وما بيتركوا حدا لحالو، I know هلأ الوضع كتير صعب…
Josephine
وكيف بيّك ترك لبنان؟ ليه ترك لبنان إزا في هول كلون، شو خبّرك؟
Daizy
ترك لبنان لأن عارف السياسة، عارف الوضع الغير، يعني هو ما كان في ياخد وظيفة غير لا يكون عندو واسطة. هو شخص كتير قانوني وكتير independent وإزا ما عندو واسطة وهو جاية من الرياق يعني منطقة كتير فقيرة، إمي من الشمال من كسبة، عيلتا منيحة وساعدو بيي بس هو هيك تربيتو ما بدو يطلب يطلب لا ياخد حقو.
Josephine
ما بدو واسطة.
Daizy
ما بدو واسطة، بدو يشتغل عاللي هو قادر يقدم وبعدين إجت المشكلة بي ٦٨، قصفوا إسرائيل عالمطار، جاية مشكلة الشرق الأوسط وصلت على لبنان. حاسس إنو راح يصير في حرب وبدو يهرّب العيلة.
Josephine
(07:10)بدو يحميكون.
Daizy
وإمي كان عندا قرايبين بأستراليا وهني عملولنا sponsorship من هيك نقينا أستراليا، كانت أهين طريقة لأن كان في sponsorship للأهل، للعيلة.
Josephine
حافظت علغتك العربية، كيف اقدرتي تحافظي عليها؟ ضللوا أهلك يحكوكي عربي؟
Daizy
ضللوا يحكوني عربي وإمي بلشت أول مدرسة عربي بأستراليا، وطلبت منا نفوت عالمدرسة. كنا نروح عالمدرسة وما نتعلم شي، شايفين حالنا، ما تعلمت شي وهيدا غلط مني. بس دينتي بتفهم لأنو بالبيت حديث بس ما بقدر إحكي. وقت لي جيت على لبنان بالتمانينات، ما كنت قادرة إحكي كتير منيح، كانو يضحكوا عليي بس بطريقة ما حسيت، ما حسيت يعني I wasn’t offended بس لي خلاني هلأ كون أحسن باللبناني بالعربي، ضليت روح وإجي من ال٨٨، جاية مليون مرة لأن فتت بقصة الشرق الأوسط وقصة لبنان، رحت رجعت عالجريدة، بلشت آخد هالمركز بالجريدة.
Josephine
بالtimes، BBC…
Daizy
أول شي بأستراليا بي Australian news paper
Josephine
نقلتي من الصحافة الرياضية.
Daizy
مزبوط.
Josephine
بالكتابة الرياضية.
Daizy
مزبوط.
Josephine
للسياسات الخارجية والإعلام بالسياسات الخارجية.
Daizy
مزبوط بهالوقت…
Josephine
ليه لتعرفي أكتر عن قضية لبنان ولي عم بصير؟
Daizy
(08:40)ايه لأن حسيت، كنت جاية من الolympic games، كنت عم غطي الolympic games للجريدة بأستراليا، من بعد هالمشوار جيت دغري على europe، بعدين جيت على لبنان. وقت لي جيت علبنان وعيت، قلت في إشيا أكتر وأهم من الرياضة. يهني انبسطت من الرياضة بس يعني الإشيا لي بأثر عالعالم، عالدني، عالشعب أثر فيي إنو لازم أنا إشتغل بشي أهم من الرياضة.
Josephine
للتغيير.
Daizy
للتغيير.ومن وقتا لهلأ بعدني للتغيير، للتحسن، للشعب، البلاد، عالقانون، وعلى الطريقة الديمقراطية ولازم نتوحد كلنا نحنا شعب لبناني شو ما يكون طوائف…
Josephine
طوائفنا…و لا يهمك.
Daizy
(09:37)طوائفنا وبعدني بهالعقلية، كلنا شعب لبناني، كلنا لازم نكون سوا، وكلنا لازم ناخد حقنا. هيدا الموقف تبعي إنو لبنان واحد ولازم نتوحد سوا.
Josephine
كنت تعملي مقارنة بين لبنان وأستراليا؟ يعني صحيح رحتي بالخمس سنين كان عمرك، ما كنت يمكن بعد محوكي لبنان، ولكن بس زرتي لبنان بالعشرين.
Daizy
yes
Josephine
عملتي هالمقارنة بين أستراليا ولبنان؟
Daizy
what’s مقارنة sorry؟
Josephine
يعني difference.
Daizy
ايه في فرق والفيلم الأولاني، السؤال لي بسألو بالأول، أنا لبنانية أما أسترالية؟
Josephine
ضيعتي هويتك يعني بس جيتي علبنان؟
Daizy
(10:25) لا أنا ضعت، قلت أنا لبنانية أما أنا أسترالية؟ لأن حسيت التنين، السر بالفيلم بينحل والحلو في إنو أستراليا كلا شعب immigrants جاية من كل البلاد يعني عنا، يعني عنا ١٨٠…
Josephine
جالية.
Daizy
جالية…
Josephine
مختلفين.
Daizy
مختلفين. وهني الpolice بأستراليا كان عندن مشاكل بين الجيل الزغير، كيف بدن يساعدوهن يفهموا. أكتر شي المشكلة إنو ما بيعرفوا من وين، أهلن من صربيا أم يوغوسلافيا أم من روسيا أم من فرنسا أم من لبنان. جيل عم يكبر وما بيعرف وين لأن بالبيت شي وبالمدرسة شي والطريق شي…
Josephine
كل واحد عندو أصول، كل واحد عندو تقاليد…
Daizy
وضايعين. شافوا الفيلم تبعي أخدوه لا يفرجوا هالجيل… هني كانو بالjuvenile detention centers، موقفينون لأنو عم يعملوا مشاكل تا يخلوهن يعرفوا يفكروا كيف هني…
Josephine
شو جذورن يعني؟
Daizy
(11:34) إنو ما تضيع إنتا فيك تاخد أحسن شي من أصل أهلك وأحسن شي من لي عم تعطيك إياه أستراليا وتجمعون وتعمل الidentity تبعك، هيدا منوصلا بالفيلم الأول. وهني انبسطوا كتير لأن ما كان شي طالع إنو نخلي بطريقة simple…
Josephine
خلي الولاد يعرفوا شو…
Daizy
كيف يفكروا
Josephine
وهني من وين جايين، إنتي كان بدك تفرجي إنو لبنان مسجون؟ لبنان هالبلد الحلو مسجون؟ ليه عنونتي لبنان روعة سجن؟
Daizy
Imprisoned splendor؟ لأنو imprisoned من التفكير والصورة برا.
Josephine
Ah ok الصورة لي كانوا يفرجوكن إياها برا حرب…
Daizy
بس.
Josephine
…وكل الناس عم تشوف الحرب، ما عم بتشوف جمال لبنان.
Daizy
Exactly exactly.
Josephine
أديه اقدرتي اتغيري بهيدا الفيلم؟ قبل ما ننقل عالفيلم التاني؟
Daizy
(12:33) ما بتتصوري أديه أخد جايزة، وصل الhuman rights commission، العالمي وعطيوني award لأن كمان هيدا مش للبنان كمان قصة لبلاد تانية بس أخد جوائز واقدرنا نفوتو عالacademy award بال98 يعني ما تصورت إنو راح يوصل هيك بس أثر كتير وبعد لهلأ عم يطلبوه. وكتير حلو لأن القصة ما…it doesn’t get old
Josephine
ما بتعتأ.
Daizy
مزبوط.
Josephine
(13:13) يعني بضلا ماشية عكل الأجيال وعكل العصور
Daizy
وأحلا شي إنى اقدرت جيب عمر شريف المشهور بالعالم يحكي عن محبتو للبنان، ما هو كل الناس بيعرفوه كمصري وهو خلقان بمصر بس أهلو لبنانية من شتورا…
Josephine
ايه من البقاع.
Daizy
ميشال شلهوب إسمو، غير إسمو لعمر الشريف بعد ما صار مشهور بي هوليوود. بس وقت لي قعدت معو وحكيت يعني إزا بتشوفي الفيلم، لاوم إبعتلك إياه، محبتو إنو بيتحمس على لبنان، بقلنا قصص إنو كيف عم بصور قصص Lawrence of Arabia مع Peter Toole وكل جمعتين بيعطوهن تلات أيام ٤ أيام فرصة، روحوا وين بدكن تروحو قال وكل مرة بدنا نجي على لبنان، بدنا نروح عبيروت، يعني بينبسطوا ببيروت بطريقة ما بتتصوري.
Josephine
يعني عملتو دعاية لبيروت من خلال الفيلم.
Daizy
Yeah
Josephine
(14:16) كفى! أحلك ساعات لبنان. ليه قررتي تعملي هيدا الفيلم، هيدا مؤخرًا؟
Daizy
مزبوط.
Josephine
قبل الانتخابات النيابية.
Daizy
مزبوط.
Josephine
بلبنان، على أثر الثورة وعلى أثر انفجار ٤ آب. ليه قررت المخرجة السينمائية الأسترالية اللبنانية دايزي جدعون إنو يولد هيدا الفيلم؟
Daizy
أنا ما كنت عارفة شو جاية أعمل، أنا بس سمعت شي بإذني بال٢٠١٦، لأن بعد ما عملت أول فيلم أنا كنت عارفة راح كفي واعمل فيلم تاني على لبنان بس بدي أعطي وقت لا يتغير لبنان. Documentaries بياخدوا وقت. ولازم يتركوا وقت لا يشوفوا تغيير.
Josephine
شي جديد.
Daizy
(15:05) أنا كنت عارفة طول عمري من وقت لي خلصت إنو راح يجي وقت وسمعتة بإدني إنو هلأ الوقت. أنا كنت بإيام كتير صعبة عليي، عم فوت بقصة طلاق وعم كبر الشركة تبعي، عندي تلات ولاد زغار، بس هالصوت بإدني، ضل ٦ شهور صار صريخ. ما عندي وقت، منو وقتا، بس قررت بعد ما صار صريخ إنو okay، أنا فكرت جايي أعمل يلم عن تحست لبنان، كيف تحس بعد الحرب، بعد ما إجا المرحوم، رفيق الحريري الله يرحمو، زبط لبنان بالتسعينات وكزا وكزا. بس وقت لي جيت، جينا بي ٢٠١٧، تا حضرت وعملت شي وزبطت حالي لأقدر إجي، جيت لا ٦ ٧ جماع. جبنا equipment لبنان بدنا نوظف لبنانبة، فكرت إنو حا يكون فيلم زغير، جيت قعدت ٦ جماع عم ببرم بلبنان، عم بحكي مع الشعب اللبناني، عن بعمل مقابلات مع سياسيين، بعد ما رجعت عأستراليا قلت oh my god…
Josephine
انصدمتي؟
Daizy
(16:30) بالمشاكل. يعني رايحة جاية أنا على لبنان ٢٠ ٣٠ سنة، وكل مرة اللبنانية بيفرحوا بلبنان وشو لبنان بجنن وأحلى بلد بالدني، هالمشوار أول مرة ما حدا قاللي هالحديث، وكنت متل صريخ، الsilence كان صريخ، إنو في شي تغير في يعني difficultiy…
Josephine
صعوبات
Daizy
صعوبات على الشعب، في وجع بعيونن، في بصوتن…
Josephine
عذاب
Daizy
عذاب
Josephine
يعني شعرتي ألم عندن.اتغيرت الفكرة لي عأساسا إنتي جاية، جاية تعملي عن تغير نحو الأحسن، نحنو الأفضل لبنان…وقفتي ساعتا وما رجعتي عملتي.
Daizy
لأ ما وقفت قلت…
Josephine
أجلتي يعني قصدي.
Daizy
(17:26) لأ نحنا كنا راجعين بدنا نصور بالشتي كمان، جينا بالصيف، جايين راجعين مع equip أكبر وأحسن وهالفيلم صار منو هيك، لازم يكون شي كتير professional عطريقا لأن هالقصة صارت كبيرة، انجبرت جيب equip أسترالية أكتر شي ما عم قول مصورين، ما عم قول ما في هوني بس بدي ياهون يصوروا بطريقة انترناشونال، بدنا نعمل فيلم ينعرض وينعرف ويحترم بالعالم كلا، لأن هالقصة صارت serious، صارت جد ولازم تنعرف ولازم نفوت بالقصة…
Josephine
شو كان بدك تفضحي؟ شو كان بدك اتفرجي؟
Daizy
(18:18) الcorruption. الفساد الفساد. وقت جيت بال٢٠١٨، جيت قبل الانتخابات ٢٠١٨، بجمعة لا شوف شو بدن يعملوا الشعب، إزا عم يحكوا بي ٢٠١٧ العذاب وهيك، بدي إجي وشوف إزا حا يتحمسوا وينتخبوا، شوفي بالفيلم شو صار. بزعل لأن ما راحوا صوتوا، يعني بيحكوا بس ما بيعملوا، عندن مشاكل بس ما بقوموا بالمطلوب. هيدا انكشف بالفيلم، والقصة أنا بلشا بال٢٠١٧ لل٢٠١٨ بفرجيون شو صار بالانتخابات، بفرجيون المعلومات، بعدين منفوت بقصة الثورة، بقصة الانفجار. يعني أنا كان لازم خلص الفيلم بي ٢٠١٩. بوقت صارت الثورة قلت لأ فتحوها، رجعنا عالثورة لا نوقف مع الشعب، كنت كتير مبسوطة إنو نشكر الله فهموا ووقفوا الشعب لأن بدن يقوموا إزا ما بقوموا ما حا يتغير شي. بعدين كان بدي خلص الفيلم وسكر وانبلش آخر شي، صار الانفجار. رجعت انجبرت هيدا هالوقت كتير نقطة بتأثر.
Josephine
دقيق بالنسبة لإلك.
Daizy
(19:40) يعني ما صدقت شو صار، ما صدقت شو صار بالانفجار قلت “كفى” that’s it. ووقت رجعت سمعت جواب الشعب. بفرد كلمة قلت ال new title، ما كان إسمو كفى بالأول، صار إسمو كفى بعد الانفجار بعد…
Josephine
يعني كلو اتغير، المهمة لي كنت جاية على أساسا بال٢٠١٦. انتهيت فيا بعد 4 سنين، كلو مغيّر.
Daizy
يعني في قصص بقلبا مركبينو لازم…بس الهدف اتغير، السؤال لي أنا بجاوبو بالفيلم، كيف وصلنا لهون؟ صار السؤال كيف وصلنا لهون؟
Josephine
(20:30) اقدرتي توصلي الرسالة؟
Daizy
ايه، قوية.
Josephine
شو هي إزا بدك تختصريا الرسالة لي وصلتيا؟
Daizy
أهما شي ليش طلعناه بلبنان، هو طلع بكان بي ٢٠٢١، بالfestival أخد جايزة هونيك واخد هلأ ٢٦ جايزة.
Josephine
مبروكين.
Daizy
Thank you.
Josephine
اليوم صرتي انترناشونال peace leader.
Daizy
That’s right.
Josephine
منباركلك نحنا.
Daizy
Thank you…
Josephine
شو ال message جاوبيني.
Daizy
الmessage أهما شي إنو نحنا عطيناهن القوة بأصواتنا وبسكوتنا، إزا منصوت أو ما منصوت عم نأمنلون…
Josephine
تا يعملوا هيك بالبلد.
Daizy
(21:18) نحنا عطيناهون القوة نحنا فينا ناخدلن القوة. نحنا بإيدنا، بأصواتنا، القوة هيدي هي.
Josephine
أديه هيك أفلام دايزي جدعون بتقدر تغير الوضع ببلد زغير متل لبنان؟
Daizy
يعني أنا ليه عم يوقف شعر بدني هلأ لأن أنا كبرت وشايفة أفلام خلوني صير هيك. يعني أثروا عليي، justice، حقوق الشخص، democracy، peace، في أفلام لي بدك إياه، بس في classics، بأثروا، غيروا العالم، غيّروا الدني، غيروا البلاد، هودي بيحكوا عن تاريخ بيحكوا عن قصص حقيقية، هودي كمان الكتب لي أنا بقريون بغيرولك فكرك لأن أنا بعرف فينا نغير والأفلام بأثروا بطريقة أكتر من الكتيبة لأن أكتر الأشخاص بيتفرجوا عالأفلام، بينبسطوا يتفرجوا عأفلام، ما بينبسطوا يقروا. قليل الأشخاص لي بيقروا بهالإيام، so إزا بدك توصلي رسالتك لأكتر عدد بالشعب بدك تعملي بالفيلم.
Josephine
(22:40) فيلم كفى أحلك ساعات لبنان، شارك في المغتربين والمنتشرين اللبنانية، كنت عم تحكي مع إنو عن الوضع بلبنان. ليه أردت هيدي المشاركة؟
Daizy
أنا مغتربة إلي ٤٠ سنة، وفي أكتر مغتربين برا أكتر ما في بلبنان شعب لبناني. وهالشعب المغتربين متلي أنا حاسين عندون محبة للبنان وعاتلين هم لبنان، صرلن سنين وأنا عارفة أديش بقدموا للبنان، كلنا منقدم للبنان وكلنا بدنا نساعد لبنان.
(23:26) So قلت ما فيني أعمل قصة عن لبنان وما فوتن بالقصة لأن عندن دور كتير قوي تا يلعبوه وشفتي بالانتخابات، مرقوا سنة الماضي أديش دور المغتربين أثر عالانتخابات ويعني بعد الثورة وبعد الانفجار، في تحمس بس أنا فتت بالقصة بال٢٠١٧، بال٢٠١٨، رحت حكيت مع المغتربين لأن صوتن كتير مهم.
Josephine
شو كان بدن يقولوا؟
Daizy
هني الحديث تبعن، سألتن عن إحساسن للبنان، إنو إزا صرلن ١٠٠ سنة منن خلقانين بلبنان، بعدن معلقين بلبنان، في شي بعلّقن بلبنان.
(24:14) بس الجداد لي هربوا من لبنان بالحرب أما وقت قريب، متعلقين بلبنان بطريقة بدن يساعدوا وما عارفين كيف، أما ما بيعرفوا الطريقة وعاوزين صوتن ينسمع وصوتن يوصل للبنانية لي بدن تغيير كمان. بدنا نشتغل سوا لأن إزا منشتغل سوا، برا وجوا، راح يكون في تفاهم أكتر وتحس للبنان أكتر لأن في إشيا نحنا تعلمناها برا، لازم نفوتا للبنان. في طريقة حياة، طريقة ديمقراطية، يعني لبنان أد ما يكون بلد منيح، صرلو ٤٠ سنة متل واقف محلو كمان، يعني متقدمين الشعب بيلبسوا وبجخوا وكل هالإشيا وبيتعلموا بس في طريقة حياة وسياسة وديمقراطية ما بعرف، civil society، topics issues، ما فاتو فيا لأن ما خلوهن السياسيين، يعني معلقينا بإشيا رجعنا لورا، ما أتقدم ال banking system، الfinance system، كان أحسن banking finance system بالعالم.
(25:38) يعني رجعنا لورا لأن ما شي اتحسن، هالإشيا، هالأفكار، هالطريقة الشغل والأعمال، لازم كمان نتفاهم سوا تا نقدر نشتغل سوا لتحسن لبنان، لبنان ما راح ينجح وما راح يوصل غير ما يكون في تعاون بين المغتربين والشعب اللبناني سوا.
Josephine
قرب يعني. زكرتي إنو بدك توصلي رسالة، ضد الفساد والتغيير. كيف ببلش التغيير بلبنان برأيك لمحاربة الفساد؟
Daizy
(26:14)أهما شي متل ما قلت بصوتنا، صوتنا بس منّو نصرخ، صوت بالانتخابات، هيدا الوحيد الطريق إزا بتدرسي التاريخ، تاريخ غير بلاد لي مرقوا فيا كيف غيروا حياتن، كيف غيروا بلدن، اتفقوا أو الناس راحوا انتخبوا ناس جديدة. وصلوا لمرحلة إنو بدو يكون في اتفاق تغيير. نحنا منّا، لي عم بصير معنا منّو جديد، في كتير بلاد مرقوا فيا.
Josephine
فاسدين كمان، عندن فساد.
Daizy
كتير بس عم بحكي عن تاريخ إيام قبل يعني ١٠٠ سنة، ٥٠٠ سنة، ١٠٠٠ سنة. كيف أميركا وصلت، كيف فرنسا وصلت، كيف بريطانيا وصلت يعني في فساد بالعالم كلا.
Josephine
يعني حلن وقت التغيير بتقول اليوم دايزي جدعون.
Daizy
Yes absolutely.
Josephine
(27:14)ومن خلال الأفلام لي عم تعملا، ليه اليوم نلتي جائزة national peace leader؟
Daizy
هلأ أنا بنعزم وبحكي عن لبنان بي conferences وforums، وأنا الطريقة لي عم وصل فيا صورة لبنان، وقصص عن لبنان، عم يوصلوا لناس مش بس لبنانية، ناس أجانب بي different organizations institutions بالسياسة، بالmedia عم يسمعوا لأن عم بعمل إشيا بالإنكليزي، عم بشوفوا شو عم بحكي وكمان لأن أنا مني منحازة لحدا. أنا بضا independent، بحكي عن الفساد، بفرجي القصة واضحة…
Josephine
(27:57)بموضوعية. ما بتنحازي لهيدا الخط أو لهيدا الخط.
Daizy
بس بالفيلم ببين كل شي، يعني أنا بحكي مع كل الطوائف، هني بيحكوا عن القصص، ماني عم خبي شي، بس لازم نعرف بالصحافة، إزا صحافي عنجد صحافي محترم ما بيجي تا يهاجم حدا يعني attack، بيجي تا يسأل سؤالات، تا يخلي حدا يحكي الحقيقة. هيدي مسؤوليتنا نفرجي الحقيقة، نجمع المعلومات نعمل دراسة، نعمل research نفرجي هيدي القصة، هيدا عم بقول هيك بس هيدا الواقع، هيدا عم يحكي هيك أما هي عم تحكي هيك بس هيدا الواقع. أنا ما عم طلعون من راسي، هيدا الواقع.
Josephine
(28:48)عم تفرجي الحقيقة.
Daizy
هيدي الحقيقة والناس بيقتنعوا فيا هيك. يعني ما فيكي بس تحكي حكي، بدك تجيبي معلومات. أنا من هيك بعز الناس لي بيحترموني، بس أنا ما فيني ضل credible يعني الناس يوثقوا فيي إزا ما بضل بشتغل عهيدي الطريقة. أنا بدي اياهون يعرفوا إنو ماني جايي إحكي شي عن لبنان، أما شخص غير فرجي الحقيقة. بس منعرف في ناس ما بحبوا الحقيقة تطلع…
Josephine
بتزعجون.
Daizy
بنزعجون وبتفضحون.
Josephine
(29:24) حاربوكي يعني؟ حاربوكي؟
Daizy
ايه بوقت طلعنا الفيلم قبل الانتخابات، كان في هجوم عليي، كان عندي حرس عليي شي تلات شهور بدي يكون عندي security.
Josephine
تنتبهي على أمنك يعني، كنت مههدة فينا نقول؟
Daizy
Yes. وقوللي ناس كتير وسفارات يعني في كزا سفير قاللي إنو ما لازم…
Josephine
سفراء.
Daizy
سفراء…
Josephine
إنو لازم تنتبهي عحالك؟
Daizy
إيه إنو عم تفرجي شي ما بدن إياه يطلع وبالانكليزي كمان.
Josephine
(29:58) نزلتي عصفحتك مؤخرًا، it’s not when it’s why you should return to Lebanon، ليه؟ الprojet المستقبلي إنو البقاء بلبنان؟
Daizy
كنت بفيلم festival، من. جمعتين تلات، وفي بنت، كنا بي panel، وبنت لبنانية عايشة بي England، سألتني سؤال، يعني سألت الpanel سؤال، إنو أمتين لازم نلرجع، أنا حاسة إنو لازم إرجع إشتغل للبنان، ايمتا عرفتوا إنو لازم ترجعوا على لبنان، أنا قلتلا it’s not when منا الوقت ما بدل، ليش بدك ترجعي، إزا بتعرفي ليش، بتفكري شو بدي أعمل شو بدي قدم، شو بدي غير، شو بدي أعمل، بعدين بتعرفي أمتين برجع، إزا في هدف. (30:52) كل شي بصير واضح، هيدا أنا عارفة، هلأ من سنة ونص، نقلت رجعت على لبنان permanently يعني قلتلون لولادي bye bye، وبيي وإختي وخياتي ورفقاتي، رجعت على لبنان لأن أنا عارفة الوقت هلأ لازم كون بلبنان إزا بدي عنجد ساعد لبنان.
Josephine
(31:19) أهلا وسهلا فيكي دايزي جدعون بلبنان. لهون أصدقائي المشاهدين والمستمعين بتنتهي حلقة حكاية الانتشار، الموعد بيتجدد الأسبوع المقبل بحكاية تميز جديدة بالخارج.
